Qyteti i Gjirokastrës është përfshirë në programin e aktiviteteve të organizuara nga Ambasada e Italisë në Tiranë, të titulluar “Vale”. Ky aktivitet synon njohjen veçanërisht nga të rinjtë shqiptarë të vlerave , traditës, gjuhës dhe kulturës italiane. Në kuadër të saj është zhvilluar një aktivitet në Gjirokastër, në të cilin të pranishmit degustuan gatimet karakteristike të mjeshtrit të kulinarisë italiane, Sandro Serva. I pranishëm në këtë aktivitet ka qenë edhe ambasadori i Italisë në vendin tonë Fabricio Buci. Aktiviteti i cili u organizua në bashkëpunim me Bashkinë e Gjirokastrës dhe Konsullatën e Nderit të Italisë prezantoi vlerat e kuzhinës italiane nëpërmjet gatimeve të mjeshtrit të kulinarisë Serva. Sipas ambasadorit Fabricio Buci, organizime të tilla shërbejnë jo vetëm për prezantimin e vlerave të traditës italiane por edhe për vendosjen e urave të bashkëpunimit në fushën e trashëgimisë kulturore dhe turizmit.
