Banorët e fshatit Piskovë në Përmet kanë protestuar sërish sot kundër ndërtimit të vendit të grumbullimit të plehrave në afërsi të fshatit . Në përkrahje të tyre sot kanë qenë deputeti i PD dhe njëkohësisht anëtari i kryesisë së PD Ervin Salianji dhe drejtuesi politik për Qarkun e Gjirokastrës z. Roland Bejko. Banorët e Piskovës kanë qenë të prerë në kërkesat e tyre që landfilli mos të ndërtohet në territorin e fshatit të tyre aq më tepër në një zonë të mbrojtur sic është Bredhi i Hotovës pasi krijon impakt negativ në mjedisin turistik dhe parkut natyror të Bredhit te Hotovës.
Deputeti Ervin Salianji ka qenë i ashpër në deklaratën e tij ndërsa ka shtuar se kjo cështje do të bëhet problem nga PD dhe do t’i dërgohet për ndjekje të mëtejshme SPAK pasi bëhet fjalë për një procedurë që bie ndesh me vullnetin e banorëve dhe që dëmton mjedisin në zonën e mbrojtur.
Në të njëjtën linjë ka qenë edhe drejtuesi politik i PD për Qarkun e Gjirokastrës z.Roland Bejko i cili ka theksuar se PD do të kërkojë me ngulm ndalimin e këtij projekti që dëmton mjedisin dhe krijon probleme serioze në mirëqënien shëndetësore të banorëve të Piskovës.
