Sot në Gjakovë u prezantua Abetarja e unifikuar mes Shqipërisë dhe Kosovës. Teksti i njëjtë në të dyja shtetet shqiptare është rrjedhojë e marrëveshjes së dy qeverive, në nëntor të vitit 2021. Ideja e Abetares së përbashkët u promovua në kohën kur në krye të qeverive ishin Sali Berisha dhe Hashim Thaçi.
Këtë ditë të rëndësishme për forcimin e bashkëpunimit, kryeministri Edi Rama e braktisi. Ndërsa homologu i tij, Albin Kurti shkoi në Gjakovë për të marrë pjesë në promovimin e saj, Rama udhëtoi për në Beograd, ku do të mbahet samiti i radhës në kuadër të “Ballkanit të Hapur”.
Në aktivitet ai dërgoi vetëm ministren e Arsimit, Evis Kushin. Kujtojmë që “Ballkani i Hapur” kundërshtohet fuqishëm nga Kosova, e cila ka theksuar se cënon interesat e vendit të saj. Nga ana tjetër, Rama i ka injoruar këto shqetësime, duke vijuar punën për këtë nismë në krah të Aleksandër Vuçiç.
ceremoninë e përurimit të abetares në Gjakovë, ka theksuar se fati i shkollës shqiptare ka qenë i lidhur ngushtë me fatin e kombit, sipas tij, raporti në mes të gjuhës dhe kombit është historik.
Gjatë fjalës së mbajtur në aktivitet, Kurti tha: “Nëpërmjet gjuhës është mësuar në mënyrë të drejt dashuria për kombin, sot në gjirin e barazisë dhe lirisë, kombin tonë e përbashkon edhe kjo abetare. Një brez i ri shqiptar po fillon rrugën e dijes me abetaren e përbashkët unike, kështu po materializohet frymëzimi i trashëguar ndër breza që na ka mbajtur të lidhur gjithmonë”.
