Një ngjarje e rëndë është shënuar mëngjesin e sotëm në Vlorë, ku një person është gjetur pa shenja jete në një prej kullave të vrojtimit në zonën e Plazhit të Vjetër.
Sipas informacioneve paraprake, trupi i pajetë është konstatuar rreth orës 05:00 të mëngjesit. Dyshimet e para flasin për një rast vetëvarjeje, megjithatë rrethanat e plota të ngjarjes mbeten ende për t’u sqaruar nga autoritetet.
Në vendngjarje kanë mbërritur menjëherë shërbimet e policisë, të cilat kanë nisur hetimet për identifikimin e viktimës dhe dokumentimin e plotë të rastit. Po ashtu, pritet edhe ekspertiza mjeko-ligjore për të përcaktuar shkakun e saktë të vdekjes.
Grupi hetimor po punon për të mbledhur prova dhe dëshmi që mund të hedhin dritë mbi këtë ngjarje, ndërsa nuk përjashtohen as pista të tjera deri në përfundim të hetimeve.
Autoritetet pritet të japin më shumë detaje në vijim.
