Një aksident i rëndë ku janë përfshirë tre automjete është shënuar në Rrogozhinë.
Burime nga policia lokale bëjnë me dije se për pasojë ka humbur jetën drejtuesi i njërit prej mjeteve të përfshira në aksident, shtetasi T. M., rreth 54 vjeç.
Si pasojë e plagëve të marra ka ndërruar jetë në spital pasagjerja në mjetin tjetër me drejtues B. K., ndërsa 2 shtetas të tjerë janë dërguar në spital, ndodhen nën kujdesin e mjekëve.
Dy ditë më parë tre persona humbën jetën në një aksident të rëndë të ndodhur në Kodër-Kashar.
Ngjarja ndodhi rreth orës 23:30 të mbrëmjes së enjtes ku Zija Murati, 29 vjeç duke drejtuar mjetin, me targë rumune, ka dalë nga rruga dhe për pasojë ka aksidentuar me vdekje 2 vëllezërit, Ismail Sulaj 66 vjeç dhe Belul Sulaj, 63 vjeç, kushërinj të shoferit.
