Kursi i këmbimit vijon të luhatet në tregun valutor shqiptar, ndërsa euro dhe dollari amerikan mbeten në nivele të ulëta krahasuar me muajt e kaluar. Sipas të dhënave për ditën e sotme, euro blihet me 95.1 lekë dhe shitet me 95.7 lekë, duke reflektuar presionin e vazhdueshëm të monedhës europiane në tregun vendas.
Ndërkohë, dollari amerikan këmbehet me 81.5 lekë në blerje dhe 82.4 lekë në shitje. Ekspertët e tregut valutor e lidhin këtë situatë me hyrjet e larta të valutës nga turizmi, remitancat dhe investimet, por edhe me dobësimin e euros në tregjet ndërkombëtare.
Edhe monedhat e tjera të huaja kanë shfaqur lëvizje të lehta. Franga zvicerane blihet me 103.7 lekë dhe shitet me 104.7 lekë, ndërsa paundi britanik vijon të mbetet mbi nivelin e 108 lekëve, duke u blerë me 108.7 lekë dhe shitur me 109.7 lekë.
Nga ana tjetër, dollari kanadez këmbehet me 59.2 lekë në blerje dhe 60.4 lekë në shitje.
Zhvlerësimi i euros po vijon të ndikojë edhe te qytetarët që mbajnë kursimet në monedhën europiane, ndërsa bizneset eksportuese kanë ngritur shqetësime për humbjet që po sjell kursi aktual i këmbimit.
