Presidenti amerikan, Donald Trump, ka njoftuar se marrëveshja me Iranin është përfunduar dhe se Ngushtica e Hormuzit do të rihapet për tranzit të lirë detar.
Në deklaratën e tij, Trump tha:
“Urime të gjithëve! Autorizoj plotësisht hapjen e Ngushticës së Hormuzit për tranzit të lirë dhe njëkohësisht autorizoj heqjen e menjëhershme të bllokadës detare të SHBA-së. Anije të botës, ndizni motorët tuaj. Le të rrjedhë nafta!”
Njoftimi vjen pas një periudhe tensionesh të larta në rajonin e Gjirit Persik, ku Ngushtica e Hormuzit konsiderohet një nga rrugët më të rëndësishme për transportin e naftës në botë. Rihapja e saj pritet të ndikojë në stabilizimin e tregjeve energjetike dhe në normalizimin e lëvizjes së anijeve tregtare.
Analistët vlerësojnë se ky zhvillim mund të sjellë ulje të presionit mbi çmimet e naftës dhe të reduktojë pasigurinë në tregjet ndërkombëtare, ndërsa detajet e plota të marrëveshjes mes SHBA-së dhe Iranit pritet të bëhen publike në ditët në vijim.
